సినిమా ఎనౌన్స్ చేసినప్పటి నుంచి ఎన్నో ఒడుదుడుకులు. బాలకృష్ణ ముందుండి నడిపించే ఎన్టీఆర్ బయోపిక్ కి ఎవరు ఊహించని ఇబ్బందులు వచ్చి పడ్డాయి. బాలయ్య ఉన్నా కూడా ఈ ఇబ్బందులు ఏమిటో అనే టాక్ బాగా వచ్చింది. అయితే ఫైనల్ గా నందమూరి హీరో బయోపిక్ స్పీడ్ ను పెంచే విధంగా ముందుకు సాగుతున్నాడు. ఇప్పటికే స్క్రిప్ట్ పనులను ఫినిష్ చేసిన సంగతి తెలిసిందే.
ఇక దర్శకుడు తేజ తప్పుకోవడంతో బాలయ్య తనకు 100వ సినిమాతో జీవితంలో గుర్తిండిపోయే హిట్ ఇచ్చిన క్రిష్ ను లైన్ లో పెట్టాడు. దాదాపు ఆయనకు ఆవకాశం దక్కినట్లే అని తెలుస్తోంది. అలాగే బయోపిక్ లో కీలకమైన చంద్రబాబు పాత్రకు రానాను ఫిక్స్ చేశారు. రీసెంట్ గా స్క్రిప్ట్ విన్న రానా సింగిల్ సిట్టింగ్ లో గ్రీన్ సిగ్నల్ ఇచ్చేశాడట. ఇకపోతే మరో ముఖ్యమైన పాత్ర కోసం బాలయ్య గత కొంత కాలంగా చాలా సెర్చ్ చేస్తున్నారు. ఎన్టీఆర్ పాత్రలో బాలయ్య కనిపిస్తున్న సంగతి తెలిసిందే.
ఇక యువ ఎన్టీఆర్ గా శర్వానంద్ ని ఫైనల్ చేసినట్లు తెలుస్తోంది. అయితే ఎన్టీఆర్ యువకుడిగా ఉన్నప్పుడు కొంచెం సన్నగా ఉండేవారు. ఆ ఏజ్ మాదిరిగా బాలయ్య కనిపించాలి అంటే కష్టం. సన్నాబడాలని ట్రై చేసినా కూడా సమయం సరిపోదు. అందుకే శర్వానంద్ ని ఒకే చేసినట్లు సమాచారం. ఇక విద్యా బాలన్ బసవతారకం క్యారెక్టర్ కి రీసెంట్ గా ఒప్పుకున్నారు.
No comments:
Post a Comment